ಶೂಟಿಂಗ್ ಸೆಟ್ ನಲ್ಲಿ ಆತನಿಂದ ನನ್ನ ಜೀವನ ಹಾಳಾಯಿತು, ಗಿಣಿರಾಮ ನಟಿ ನವ್ಯಾ ನಾರಾಯಣ್

ಈಗ ಕಾಲ ಬದಲಾಗಿದ್ದು, ಸಿನಿಮಾ ಮತ್ತು ಕಿರುತೆರೆ ಕ್ಷೇತ್ರಗಳಿಗೆ ಅದರದ್ದೇ ಆದ ಗಾಂಭೀರ್ಯತೆ ಇದ್ದರು ಕೂಡ, ಕೆಲವು ನಟ-ನಟಿಯರಿಗೆ ಆಗುತ್ತಿರುವ ಅನುಭವಗಳು ಭಯಾನಕ ಎನ್ನಿಸುವಂಥದ್ದು ಇರುತ್ತವೆ. ಕೆಲವರು ಅನಿವಾರ್ಯವಾಗಿ ಅದನ್ನೆಲ್ಲಾ ಸಹಿಸಿಕೊಂಡು ಹೋದರೆ, ಮತ್ತೆ ಕೆಲವರಿಗೆ ಮಾತೇ ಶಾಪವಾಗುವುದೂ ಉಂಟು. ಈ  ಎರಡನೆಯ ಸಾಲಿಗೆ ಸೇರಿರುವವರು ಪಾಪ ಪಾಂಡು, ಗಿಣಿರಾಮದಂಥ ಹಿಟ್​ ಸೀರಿಯಲ್​ಗಳನ್ನು ಕೊಟ್ಟಿರುವ ನಟಿ ನಯನಾ ನಾಗರಾಜ್​. ಇವರನ್ನು ಕಳೆದ ವರ್ಷ ಧಾರಾವಾಹಿಗಳಿಂದ ಬ್ಯಾನ್​ ಮಾಡಿರುವ ವಿಷಯ ಹಲವರಿಗೆ ತಿಳಿದಿರಲಿಕ್ಕಿಲ್ಲ. ಪಾಪ ಪಾಂಡು ಸೀರಿಯಲ್​ನಲ್ಲಿ ಎಲ್ಲರನ್ನೂ ನಕ್ಕು ನಗಿಸಿ, ಕೊನೆಗೆ ಸುಮಾರು ಮೂರು ವರ್ಷ ಗಿಣಿರಾಮ ಸೀರಿಯಲ್​ನಲ್ಲಿ ನಾಯಕಿಯ ಪಾತ್ರ ಮಾಡಿದ್ದ ನಯನಾ ಸೀರಿಯಲ್​ ಪಯಣದಲ್ಲಿ ಅಷ್ಟಕ್ಕೂ ಆಗಿದ್ದೇನು? ಸೀರಿಯಲ್​ನವರು ಇಂಥದ್ದೊಂದು ನಿರ್ಧಾರ ತೆಗೆದುಕೊಳ್ಳಲು ಕಾರಣವೇನು? ಈ ಕುರಿತು ನಯನಾ ಅವರು ಕಲಾ ಮಾಧ್ಯಮ ಯೂಟ್ಯೂಬ್​ ಚಾನೆಲ್​ಗೆ ನೀಡಿರುವ ಸಂದರ್ಶನದಲ್ಲಿ ತಿಳಿಸಿದ್ದಾರೆ.  <a href=https://youtube.com/embed/k5RQXaksmNo?autoplay=1&mute=1><img src=https://img.youtube.com/vi/k5RQXaksmNo/hqdefault.jpg alt=""><span><div class="youtube_play"></div></span></a>" style="border: 0px; overflow: hidden"" style="border: 0px; overflow: hidden;" width="640">

ತಮ್ಮ ಹಲ್ಲು ಸರಿಯಿಲ್ಲದ್ದರಿಂದ ಪಾಪ ಪಾಂಡು ರೋಲ್​ಗೆ ತಮ್ಮನ್ನು ತೆಗೆದುಕೊಳ್ಳಲು ಏನೆಲ್ಲಾ ನಡೆಯಿತು ಎಂಬ ಬಗ್ಗೆ ಮಾತನಾಡಿದ ನಟಿ ನಯನಾ, ಕೊನೆಗೆ ಈ ಸೀರಿಯಲ್​ನ ನನ್ನ ನಟನೆ ನೋಡಿ, ಬೇಡ ಅಂದವರೇ ಗಿಣಿರಾಮ ಸೀರಿಯಲ್​ಗೆ ನಾಯಕಿಯಾಗಿ ಮಾಡಿದ್ರು. ಸುಮಾರು ಮೂರು ವರ್ಷ ಎಲ್ಲವೂ ಚೆನ್ನಾಗಿಯೇ ಇತ್ತು. ಆದರೆ, ನಟಿಯರ ವಿಷಯಕ್ಕೆ ಬಂದಾಗ, ಕ್ಯಾಮೆರಾ ಹಿಂದುಗಡೆ ಮಾತನಾಡುವವರ ದೊಡ್ಡ ದಂಡೇ ಕೆಲವೊಮ್ಮೆ ಸೃಷ್ಟಿಯಾಗುತ್ತದೆ. ಅದು ಕ್ಯಾರೆಕ್ಟರ್​ ಬಗ್ಗೆಯೂ ಹೋಗಿ ಬಿಡುತ್ತದೆ. ಅಂಥದ್ದೇ ಒಂದು ಸನ್ನಿವೇಶ ನನಗೆ ಎದುರಾಯಿತು. ಸೆಟ್​ನಲ್ಲಿ ಇದ್ದವರು ಒಬ್ಬರು ಎಲ್ಲರ ಎದುರು ನನಗೆ ಕೆಟ್ಟದ್ದಾಗಿ ಮಾತನಾಡಿದರು. ನಾನು ಹಾಗೆಲ್ಲಾ  ನೋಡಿ ಸುಮ್ಮನೇ  ಕುಳಿತುಕೊಳ್ಳುವವಳು ಅಲ್ಲ. ಅಲ್ಲೇ ತಿರುಗಿ ಕೊಟ್ಟೆ. ಅಲ್ಲಿಂದಲೇ ಆತನ ಟಾರ್ಚರ್​ ಶುರುವಾಯಿತು ಎಂದಿರುವ ನಟಿ ಅವರು ಯಾರು ಎಂದು ಹೇಳಲಿಲ್ಲ.

ಒಂದು ವರ್ಷ ಆತ ನನ್ನ ಬದುಕನ್ನು ನರಕ ಮಾಡಿದ. ಶೂಟಿಂಗ್​ಗೆ ಬಂದಾಗ ಪ್ರತಿದಿನ ಹಿಂಸೆ ಕೊಡುತ್ತಿದ್ದ. ಇದನ್ನು ಸಹಿಸಿಕೊಳ್ಳಲು ನನಗೆ ಆಗಲಿಲ್ಲ. ನೇರವಾಗಿ ಚಾನೆಲ್​ ಅವರಿಗೆ ದೂರಿದೆ. ಅವರು ಪ್ರೊಡಕ್ಷನ್​ ಅವರಿಗೆ ಮಾಹಿತಿ ನೀಡಿದರು. ಪ್ರೊಡಕ್ಷನ್​ ಅವರ ಎದುರು ಆತ ನಾನು ಹಾಗೆ ಏನೂ ಮಾಡುತ್ತಿಲ್ಲ ಎಂದು ಹೇಳಿ, ಮತ್ತದೇ ಶುರು ಮಾಡಿಕೊಂಡ. ನನಗೆ ಸಹಿಸಿಕೊಳ್ಳಲು ಆಗಲಿಲ್ಲ. ಸೀರಿಯಲ್​ ಬಿಡುವ ನಿರ್ಧಾರ ಮಾಡಿದೆ. ಇದನ್ನು ಚಾನೆಲ್​ನವರಿಗೂ ತಿಳಿಸಿದೆ. ನನಗೇ ತುಂಬಾ ಕನ್​ವಿನ್ಸ್​ ಮಾಡಲು ನೋಡಿದರು. ಆದರೆ ಆತನ ಟಾರ್ಚರ್​ ತಡೆದುಕೊಳ್ಳಲು ಆಗ್ತಿರಲಿಲ್ಲ. ಕೊನೆಗೆ ಆರು ತಿಂಗಳು ಕಾಲಾವಕಾಶವನ್ನೂ ಕೊಟ್ಟೆ. ಆಮೇಲೆ ಸೀರಿಯಲ್​ ಬಿಟ್ಟೆ. 

ಇದರಿಂದ ತಮ್ಮ ಸೀರಿಯಲ್​ಗೆ ಕೋಟ್ಯಂತರ ರೂಪಾಯಿ ನಷ್ಟವಾಗಿದೆ ಎಂದು ಹೇಳಿ, ನನ್ನ ವಿರುದ್ಧ ದೂರು ಕೊಟ್ಟರು. ಅಲ್ಲಿಂದ ನಾನು ಸೀರಿಯಲ್​ ಮಾಡದಂತೆ ನಿಷೇಧ ವಿಧಿಸಲಾಯಿತು ಎಂದು ನಟಿ ನಯನಾ ಹೇಳಿದ್ದಾರೆ. ತೆಲಗುವಿನಿಂದ ಆಫರ್​ ಬಂದರೂ ನಾನು ಸೀರಿಯಲ್​ ಮಾಡಬಾರದು ಎಂದು ನಿರ್ಧರಿಸಿಬಿಟ್ಟಿದ್ದೆ. ಈಗ ನೆಮ್ಮದಿಯಿಂದ ಇದ್ದೇನೆ ಎಂದಿದ್ದಾರೆ. (ಮಿತ್ರರೇ ಕರ್ನಾಟಕದ ಪ್ರತಿಷ್ಠಿತ ನ್ಯೂಸ್ ಚಾನಲ್ Powerfullkarunadu.tech ವಾಹಿನಿಗೆ ಬೆಂಬಲಿಸಿ) ದಿನ ನಿತ್ಯದ ತಾಜಾ ಸುದ್ದಿಗಾಗಿ ಪವರ್ ಫುಲ್ ಕರುನಾಡು ವಾಹಿನಿಯನ್ನು ಲೈಕ್ ಮಾಡಿ ಶೇರ್ ಮಾಡಿ.