ಅರ್ಧ ಬಟ್ಟೆ ಹಾಕಿ ವಿದೇಶದ ರಸ್ತೆಯಲ್ಲಿ ಬಿಕ್ಕಿಬಿಕ್ಕಿ ಅತ್ತ ನಿವೇದಿತಾ ಗೌಡ
ರೀಲ್ಸ್ ಮೂಲಕ ಸದಾ ಜಾಲತಾಣದಲ್ಲಿ ಆ್ಯಕ್ಟೀವ್ ಆಗಿರುವ ನಿವೇದಿತಾ ಗೌಡ, ಬಿಗ್ ಬಾಸ್ ರಿಯಾಲಿಟಿ ಶೋ ಮೂಲಕ ಕನ್ನಡಿಗರಿಗೆ ಪರಿಚಿತ ಹೆಸರು. ಸಿನಿಮಾ ಹಾಗೂ ರಿಯಾಲಿಟಿ ಶೋಗಳ ನಡುವೆ ಬ್ಯುಸಿ ಆಗಿರುವ ಈ ಹಾಟ್ ಬೆಡಗಿ, ತಮ್ಮ ಖಾಲಿ ವೇಳೆಯಲ್ಲಿ ದೇಶ–ವಿದೇಶ ಸುತ್ತಾಡುತ್ತಾ ಜೀವನವನ್ನು ಆನಂದಿಸುತ್ತಾರೆ. ಇತ್ತೀಚೆಗೆ ಅಮೆರಿಕದ ಪ್ರವಾಸ ಮುಗಿಸಿಕೊಂಡು ಬಂದಿದ್ದ ಅವರು, ಇದೀಗ ವಿಯೆಟ್ನಾಂ ಟ್ರಿಪ್ಗೆ ತೆರಳಿದ್ದಾರೆ.
ಆದರೆ ಈ ಪ್ರವಾಸದ ವೇಳೆ ನಿರೀಕ್ಷೆಗೂ ಮೀರಿದ ಘಟನೆ ನಡೆದಿದೆ. ವಿಯೆಟ್ನಾಂ ಬೀದಿಯೊಂದರಲ್ಲಿ ರಾತ್ರಿ ಹೊತ್ತು ನಿಂತು ನಿವೇದಿತಾ ಕಣ್ಣೀರು ಹಾಕುತ್ತಿರುವ ವೀಡಿಯೊ ವೈರಲ್ ಆಗಿದೆ. ಜೊತೆಗಿದ್ದ ಸ್ನೇಹಿತೆ ಸಹಾಯಕ್ಕೆ ಬರದೇ ಇದ್ದರೂ, ಅವರು ಏಕೆ ಅತ್ತರು ಎನ್ನುವುದರ ಸ್ಪಷ್ಟ ಕಾರಣ ಹೊರಬಂದಿಲ್ಲ. ಈ ಅಪ್ರತೀಕ್ಷಿತ ದೃಶ್ಯವನ್ನು ನೋಡಿ ಅಭಿಮಾನಿಗಳು ತೀವ್ರ ಕುತೂಹಲ ವ್ಯಕ್ತಪಡಿಸಿದ್ದಾರೆ.
ಸಾಮಾನ್ಯವಾಗಿ ಸಾಮಾಜಿಕ ಜಾಲತಾಣದಲ್ಲಿ ಸಂತೋಷದ ಕ್ಷಣಗಳನ್ನು ಹಂಚಿಕೊಳ್ಳುವ ನಿವೇದಿತಾ, ಹಠಾತ್ ಕಣ್ಣೀರು ಹಾಕಿರುವುದು ಫ್ಯಾನ್ಸ್ ಮನಸ್ಸಿಗೆ ಗಾಬರಿಯನ್ನೇ ಉಂಟುಮಾಡಿದೆ. "ಯಾವ ಕಾರಣಕ್ಕೆ ಅತ್ತರು?" ಎಂಬ ಪ್ರಶ್ನೆಗೆ ಸ್ಪಷ್ಟ ಉತ್ತರ ಸಿಕ್ಕಿಲ್ಲ. ಆದರೆ, ವಿಡಿಯೋ ಹಂಚಿಕೊಂಡ ಕೆಲವೇ ಗಂಟೆಗಳಲ್ಲಿ ಲಕ್ಷಾಂತರ ವೀಕ್ಷಣೆ ಪಡೆದು ಟ್ರೆಂಡಿಂಗ್ ಆಗಿದೆ.
ನಿವೇದಿತಾ ವೈಯಕ್ತಿಕ ಜೀವನದಲ್ಲಿಯೂ ಹಲವು ಏರುಪೇರುಗಳನ್ನು ಕಂಡಿದ್ದಾರೆ. ಸಿನಿಮಾ ಆರಂಭದ ಹಂತದಲ್ಲೇ ಸಂಸಾರ ಜೀವನದಲ್ಲಿ ತೊಂದರೆ ಎದುರಿಸಿ ಡಿವೋರ್ಸ್ ಪಡೆದ ಅವರು, ಬಳಿಕ ತಮ್ಮ ಬದುಕನ್ನು ಹೊಸದಾಗಿ ಕಟ್ಟಿಕೊಂಡು ಸ್ವತಂತ್ರವಾಗಿ ಸಾಗುತ್ತಿದ್ದಾರೆ. ಈಗ ಪ್ರವಾಸ, ಸಿನಿಮಾ ಹಾಗೂ ಕಿರುತೆರೆಯ ಕಾರ್ಯಕ್ರಮಗಳಲ್ಲಿ ತೊಡಗಿ ತಮ್ಮ ಜೀವನವನ್ನು ಆನಂದಿಸುತ್ತಿದ್ದಾರೆ.