ಪೆಟ್ರೋಲ್ ಬೆಲೆ ಪಾತಾಳಕ್ಕೆ ಕುಸಿತ; ಸಾಲು ಗಟ್ಟಿ ನಿಂತ ರಾಜ್ಯದ ಜನರು
Sep 29, 2024, 09:00 IST
ಇನ್ನೇನು ದಸರಾ ದೀಪಾವಳಿ ಹಬ್ಬಗಳು ಹತ್ತಿರ ಬಂತು.ಬೆಲೆ ಏರಿಕೆಯಿಂದ ಕಂಗೆಟ್ಟಿದ್ದ ಜನತೆಗೆ ಇದೀಗ ಸಂತೋಷದ ವಿಚಾರ ಇಲ್ಲಿದೆ.ಅಂತಾರಾಷ್ಟ್ರೀಯ ಪೆಟ್ರೋಲಿಯಂ ಕಚ್ಚಾ ತೈಲ ಮಾರುಕಟ್ಟೆಯಲ್ಲಿ ತೈಲ ದರ ಕುಸಿತು ಕಾಣುತ್ತಲೇ ಇದೆ. ಹೀಗಾಗಿ, ಸಗಟು ಪೆಟ್ರೋಲ್, ಡೀಸೆಲ್ ವಿತರಕರ ಲಾಭಾಂಶ ಪ್ರಮಾಣ ಹೆಚ್ಚಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ದರದಲ್ಲಿ ಪ್ರತಿ ಲೀಟರ್‌ಗೆ 2 ರಿಂದ 3 ರೂಪಾಯಿ ಕಡಿತ ಆಗುವ ಸಾಧ್ಯತೆ ಇದೆ.
ಭಾರತ ಅಂತಾರಾಷ್ಟ್ರೀಯ ಮಾರುಕಟ್ಟೆಯಿಂದ ಖರೀದಿ ಮಾಡುವ ಕಚ್ಛಾ ತೈಲದ ಬೆಲೆ 2024ರ ಮಾರ್ಚ್‌ನಲ್ಲಿ ಪ್ರತಿ ಬ್ಯಾರಲ್‌ಗೆ 83 ರಿಂದ 84 ಅಮೆರಿಕನ್ ಡಾಲರ್ ಇತ್ತು. ಇದೀಗ 2024ರ ಸೆಪ್ಟೆಂಬರ್‌ನಲ್ಲಿ ಪ್ರತಿ ಬ್ಯಾರಲ್ ಕಚ್ಚಾ ಪೆಟ್ರೋಲಿಯಂ ತೈಲದ ಬೆಲೆ 74 ರೂಪಾಯಿಗೆ ಕುಸಿತ ಕಂಡಿದೆ. ಈ ಹಿನ್ನೆಲೆಯಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆ ಪ್ರತಿ ಲೀಟರ್‌ಗೆ ಕನಿಷ್ಟ 2 ರೂ. ಇಳಿಕೆ ಆಗಬಹುದಾಗಿದೆ ಎಂದು ರೇಟಿಂಗ್ ಸಂಸ್ಥೆಯಾದ ಐಸಿಆರ್‌ಎ ಅಭಿಪ್ರಾಯಪಟ್ಟಿದೆ.
ಭಾರತದ ತೈಲ ಮಾರುಕಟ್ಟೆ ಕಂಪನಿಗಳ ಸಗಟು ಮಾರಾಟ ಲಾಭಾಂಶ ಪ್ರಮಾಣ ಏರಿಕೆ ಕಂಡಿರುವ ಹಿನ್ನೆಲೆಯಲ್ಲಿ ಆದಷ್ಟು ಬೇಗ ಪೆಟ್ರೋಲ್, ಡೀಸೆಲ್ ದರ ಕಡಿಮೆ ಆಗಬಹುದು ಎಂದು ಐಸಿಆರ್‌ಎ ಹೇಳಿದೆ. ಕಳೆದ ಹಲವು ವಾರಗಳಿಂದ ಅಂತಾರಾಷ್ಟ್ರೀಯ ತೈಲ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಕುಸಿತ ಮುಂದುವರೆದಿದೆ. ಸದ್ಯದ ಮಟ್ಟದಲ್ಲೇ ಕಚ್ಚಾ ತೈಲ ಬೆಲೆ ಮುಂದುವರೆದರೆ ತೈಲ ಮಾರುಕಟ್ಟೆ ಕಂಪನಿಗಳು ಬೆಲೆ ಇಳಿಕೆಗೆ ಮುಂದಾಗಬಹುದು ಎಂದು ಐಸಿಆರ್‌ಎ ಹೇಳಿದೆ.
ಅಂತಾರಾಷ್ಟ್ರೀಯ ಕಚ್ಚಾ ತೈಲ ಮಾರುಕಟ್ಟೆಯ ಬೆಲೆಗೆ ಹೋಲಿಕೆ ಮಾಡಿದರೆ ಭಾರತದ ತೈಲ ಮಾರುಕಟ್ಟೆಗಳು ಪ್ರತಿ ಲೀಟರ್ ಪೆಟ್ರೋಲ್ ಮೇಲೆ ಶೇ. 15ರಷ್ಟು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಿವೆ. ಡೀಸೆಲ್ ದರಕ್ಕೆ ಹೋಲಿಕೆ ಮಾಡಿದರೆ ಶೇ. 12 ರಷ್ಟು ಹೆಚ್ಚಿನ ದರ ಇದೆ. ಇದು 2024 ಸೆಪ್ಟೆಂಬರ್ 17ರವರೆಗಿನ ಅಂಕಿ ಅಂಶವಾಗಿದೆ. ಕಳೆದ ಮಾರ್ಚ್ 2024 ರಿಂದ ಇಲ್ಲಿಯವರೆಗೆ ತೈಲ ಮಾರಾಟ ಸಂಸ್ಥೆಗಳು ಭಾರತದಲ್ಲಿ ಪೆಟ್ರೋಲ್, ಡೀಸೆಲ್ ದರ ಪರಿಷ್ಕರಣೆ ಮಾಡಿಲ್ಲ.
( ಮಿತ್ರರೇ ಕರ್ನಾಟಕದ ಪ್ರತಿಷ್ಠಿತ ನ್ಯೂಸ್ ಚಾನಲ್ Powerfullkannada.tech ವಾಹಿನಿಗೆ ಬೆಂಬಲಿಸಿ.)
ದಿನ ನಿತ್ಯದ ತಾಜಾ ಸುದ್ದಿಗಾಗಿ ಪವರ್ ಫುಲ್ ಕನ್ನಡ ವಾಹಿನಿಯನ್ನು ಲೈಕ್ ಮಾಡಿ ಶೇರ್ ಮಾಡಿ.