FactCheck:ಜಾತಿಗಣತಿ ಬೆನ್ನಲ್ಲೇ ಮತ್ತೊಂದು ಸಂಕಷ್ಟ, ಕ ಣ್ಣೀರಿಟ್ಟ ಜನಸಾಮಾನ್ಯರು

ಕರ್ಣಾಟಕದಲ್ಲಿ ಸದ್ಯ ನಡೆಯುತ್ತಿರುವ ಸಾಮಾಜಿಕ-ಶೈಕ್ಷಣಿಕ ಸಮೀಕ್ಷೆ ಅಂದರೆ ಜಾತಿ ಗಣತಿ ರಾಜ್ಯದ ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಮಟ್ಟದ ಜನಗಣತಿಯೊಂದಾಗಿದೆ. ಈ ಬಾರಿ ಸರ್ಕಾರ ಈ ಸಮೀಕ್ಷೆಯನ್ನು ಹೆಚ್ಚು ನಿಖರವಾಗಿ ಹಾಗೂ ವಿಶ್ವಾಸಾರ್ಹವಾಗಿ ಮಾಡಲು ಹಲವು ಹೊಸ ನಿಯಮಗಳು ಮತ್ತು ಮಾರ್ಗಸೂಚಿಗಳನ್ನು ಜಾರಿಗೊಳಿಸಿದೆ.

ರಾಜ್ಯ ಹೈಕೋರ್ಟ್ ಇತ್ತೀಚೆಗೆ ನೀಡಿದ ತೀರ್ಪಿನಲ್ಲಿ ಈ ಸಮೀಕ್ಷೆಯು ಸಂಪೂರ್ಣವಾಗಿ ಸ್ವಯಂಸಮ್ಮತ  ಆಗಿರಬೇಕು ಎಂದು ಸ್ಪಷ್ಟಪಡಿಸಿದೆ. ಅಂದರೆ, ಯಾರನ್ನೂ ಬಲವಂತವಾಗಿ ಮಾಹಿತಿಯನ್ನು ನೀಡಲು ಒತ್ತಾಯಿಸಬಾರದು. ಜೊತೆಗೆ, ಸಂಗ್ರಹಿಸಲಾದ ಮಾಹಿತಿಯು ಗುಪ್ತ ವಾಗಿರಬೇಕು ಎಂಬುದನ್ನೂ ನ್ಯಾಯಾಲಯ ಕಟ್ಟುನಿಟ್ಟಾಗಿ ತಿಳಿಸಿದೆ. ಈ ಕ್ರಮದ ಉದ್ದೇಶ, ಜನರ ಗೌಪ್ಯತೆ ಮತ್ತು ವಿಶ್ವಾಸವನ್ನು ಕಾಪಾಡುವುದಾಗಿದೆದಾಗಿದೆ.

ಅಷ್ಟಕ್ಕೂ ಹಿಂದಿನ ಹಂತದಲ್ಲಿ, ಬೆಂಗಳೂರಿನ ಗಣತಿಯಲ್ಲಿ UHID ಸ್ಟಿಕ್ಕರ್‌ಗಳ ಮೂಲಕ ಮನೆ ಗುರುತು ಮಾಡುವ ವಿಧಾನವನ್ನು ಬಳಸಲಾಗುತ್ತಿತ್ತು. ಆದರೆ, ಕೆಲವು ತಾಂತ್ರಿಕ ದೋಷಗಳು ಹಾಗೂ ತಪ್ಪು ಗುರುತುಗಳ ವರದಿಯ ನಂತರ, ಸರ್ಕಾರ ಈ ಪದ್ಧತಿಯನ್ನು ರದ್ದುಪಡಿಸಿದೆ. ಈಗ ಮನೆ ಮನೆಗೆ ತೆರಳಿ ನೇರವಾಗಿ ಮಾಹಿತಿಯನ್ನು ಸಂಗ್ರಹಿಸುವ ವಿಧಾನವನ್ನು ಅಳವಡಿಸಿಕೊಂಡಿದ್ದಾರೆ. ಇದು ನಿಖರವಾದ ಹಾಗೂ ನಂಬಿಕೆಗೂಡಿದ ಅಂಕಿಅಂಶಗಳನ್ನು ಪಡೆಯಲು ಸಹಾಯಕವಾಗಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಇದುವರೆಗೆ, ರಾಜ್ಯದ ಸುಮಾರು 80% ಭಾಗದಲ್ಲಿ ಗಣತಿ ಕಾರ್ಯ ಪೂರ್ಣಗೊಂಡಿದೆ, ಆದರೆ ಕೆಲವು ಜಿಲ್ಲೆಯ ಗಣತಿ ನಿಧಾನಗತಿಯಲ್ಲಿ ಸಾಗುತ್ತಿದೆ. ಈ ಕಾರಣದಿಂದ, ಸರ್ಕಾರ ಮತ್ತು ಅಧಿಕಾರಿಗಳು ಅಕ್ಟೋಬರ್ 7ರ ಕೊನೆಯ ದಿನಾಂಕವನ್ನು ವಿಸ್ತರಿಸುವ ವಿಷಯದ ಮೇಲೆ ಚರ್ಚೆ ನಡೆಸುತ್ತಿದ್ದಾರೆ. ಅವರ ಉದ್ದೇಶ, ಯಾವುದೇ ಜಿಲ್ಲೆಯಲ್ಲೂ ಅಪೂರ್ಣ ಮಾಹಿತಿಯು ಉಳಿಯದಂತೆ ಸಂಪೂರ್ಣ ಸಮೀಕ್ಷೆ ಮುಗಿಸುವುದು. 

ಈ ಸಮೀಕ್ಷೆಯು ಕೇವಲ ಜಾತಿಯ ಅಂಕಿಅಂಶಗಳಿಗಾಗಿ ಮಾತ್ರವಲ್ಲ, ರಾಜ್ಯದ ಸಾಮಾಜಿಕ, ಆರ್ಥಿಕ ಮತ್ತು ಶೈಕ್ಷಣಿಕ ಪರಿಸ್ಥಿತಿಯ ಸಮಗ್ರ ಚಿತ್ರಣ ನೀಡುವ ಉದ್ದೇಶವನ್ನೂ ಹೊಂದಿದೆ. ಈ ಅಂಕಿಅಂಶಗಳು ಸರ್ಕಾರದ ಭವಿಷ್ಯದ ಸಮಾಜ ಕಲ್ಯಾಣ ಯೋಜನೆಗಳು, ಮೀಸಲಾತಿ ನೀತಿಗಳು ಹಾಗೂ ಅಭಿವೃದ್ಧಿ ಯೋಜನೆಗಳ ರೂಪರೇಖೆ ಸಿದ್ಧಪಡಿಸಲು ಬಹಳ ಉಪಯೋಗಿಯಾಗಲಿವೆ.