ಯಜುವೇಂದ್ರ ಚಹಲ್ ಗೆ ಭರ್ಜರಿ ಆಫರ್, ಡೇಟಿಂಗ್ ಮಾಡಲು ನಾನು ರೆಡಿ ಎಂದ Rj Mahvash
ಸ್ಪಿನ್ನರ್ ಯುಜುವೇಂದ್ರ ಚಹಲ್ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ವೇಳೆ ಆರ್ ಜೆ ಮಹ್ವಾಶ್ ಎಂಬ ಸುಂದರಿ ಜೊತೆ ಕಾಣಿಸಿಕೊಂಡಾಗ ಇಡೀ ಕ್ರಿಕೆಟ್ ಅಭಿಮಾನಿಗಳು ಕಣ್ಣರಳಿಸಿ ನೋಡಿತ್ತು. ಧನಶ್ರೀ ವರ್ಮಾ ಜೊತೆಗೆ ವಿಚ್ಛೇದನ ಪ್ರಕರಣ ಕೋರ್ಟ್ ನಲ್ಲಿ ಇರುವಾಗಲೇ ಚಹಲ್ ಹೊಸ ಗೆಳತಿಯನ್ನು ಕಂಡುಕೊಂಡರಾ ಎಂಬ ಅನುಮಾನ ಹುಟ್ಟಿಕೊಂಡಿತ್ತು. ಕೆಲ ಮಾಧ್ಯಮಗಳಂತೂ ಚಹಲ್ ಹೊಸ ಪ್ರೇಯಸಿ ಎಂದೇ ಸುದ್ದಿ ಪ್ರಕಟಿಸಿದರು.
ಮರುದಿನವೇ ನಾವಿಬ್ಬರೂ ಪ್ರೇಮಿಗಳಲ್ಲ, ಜೊತೆಯಾಗಿ ಕ್ರಿಕೆಟ್ ಪಂದ್ಯ ನೋಡಿದ್ದೇವಷ್ಟೇ ಎಂದು ಆರ್ ಜೆ ಮಹ್ವಾಶ್ ಹೇಳಿದ್ದರು. ಆದರೆ ಅಷ್ಟು ಸುಲಭದಲ್ಲಿ ನಂಬುವವರಾರು? ಜೊತೆಗೆ ಈ ಬಗ್ಗೆ ಯುಜುವೇಂದ್ರ ಚಹಲ್ ಈವರೆಗೂ ಬಾಯಿ ಬಿಡದ್ದು ಇಬ್ಬರ ಮಧ್ಯೆ ಏನೋ ಇದೆ ಎಂದು ಗುಸುಗುಸು ಜಾಸ್ತಿಯಾಗಲು ಕಾರಣವಾಗಿತ್ತು. ಇದೇ ವೇಳೆ ಪದೇ ಪದೇ ಏಳುತ್ತಿರುವ ಈ ಪ್ರಶ್ನೆಗೆ ಮಹ್ವಾಶ್ ಮಾತನಾಡಿದ್ದಾರೆ. ಸಂದರ್ಶನವೊಂದರಲ್ಲಿ ಡೇಟಿಂಗ್, ಮದುವೆ ವಿಚಾರವಾಗಿ ತಮ್ಮ ಚಿಂತನೆಗಳನ್ನು ಬಹಿರಂಗಗೊಳಿಸಿದ್ದಾರೆ.
ತಾನೀಗ ಸಿಂಗಲ್ ಎನ್ನುವ ಮೂಲಕ ಯಾರ ಜೊತೆಗೂ ತಾನು ರಿಲೇಶನ್ ಶಿಪ್ ನಲ್ಲಿ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ನಾನು ಸದಾ ಸಿಂಗಲ್ ಆಗಿದ್ದೇನೆ. ಇಂದಿನ ಕಾಲದಲ್ಲಿ ಮದುವೆಯ ಪರಿಕಲ್ಪನೆಯೇ ನನಗೆ ಅರ್ಥವಾಗುತ್ತಿಲ್ಲ ಎಂದು ಹೇಳಿದ್ದಾರೆ.ನಾನು ಮದುವೆಯಾಗಬೇಕಾದಾಗ ಮಾತ್ರ ಡೇಟಿಂಗ್ ಮಾಡುವ ವ್ಯಕ್ತಿ. ಸುಮ್ಮನೇ ಕಾಟಾಚಾರದ ಡೇಟ್‌ಗಳಿಗೆ ನಾನು ಹೋಗುವುದಿಲ್ಲ. ಮದುವೆಯಾಗಲು ಬಯಸುವ ವ್ಯಕ್ತಿಯೊಂದಿಗೆ ಮಾತ್ರ ಡೇಟಿಂಗ್ ಮಾಡುತ್ತೇನೆ. ಧೂಮ್ ಚಿತ್ರದಲ್ಲಿರುವಂತೆ, ತನ್ನ ಹೆಂಡತಿ ಮತ್ತು ಮಕ್ಕಳನ್ನು ಬೈಕ್ ಹಿಂದೆ ನೋಡುವ ವ್ಯಕ್ತಿ ನನಗೆ ಇಷ್ಟ ಎಂದಿದ್ದಾರೆ.
ಇದೇ ವೇಳೆ ತನ್ನ ಮುರಿದು ಬಿದ್ದ ತನ್ನ ಹಳೇ ಪ್ರೇಮವೊಂದರ ಬಗ್ಗೆಯೂ ಅವರು ಮಾತನಾಡಿದ್ದಾರೆ.ನಾನು 19 ನೇ ವಯಸ್ಸಿನಲ್ಲಿ ಒಬ್ಬನೊಂದಿಗೆ ಎಂಗೇಜ್ ಆಗಿದ್ದೆ. ಆದರೆ 21 ವರ್ಷ ತುಂಬಿದಾಗ ಆ ಸಂಬಂಧದಿಂದ ಹೊರಬಂದೆ. ಇದೀಗ ಯಾವೇದೇ ರೀತಿಯ ರಿಲೇಶನ್ ಶಿಪ್ ನಲ್ಲೂ ನಾನಿಲ್ಲ ಎಂದು ತಿಳಿಸಿದ್ದಾರೆ. ಇನ್ನು ಅಲಿಘರ್ ನಂತಹ ಸಣ್ಣ ಪಟ್ಟಣದಲ್ಲಿ ಬೆಳೆದ ನಮಗೆ ಒಳ್ಳೆಯ ಗಂಡನನ್ನು ಹುಡುಕಬೇಕು ಮತ್ತು ಮದುವೆಯಾಗಬೇಕು ಎಂಬ ಏಕೈಕ ಷರತ್ತು ಇತ್ತು. ಅದೇ ನಮ್ಮ ಗುರಿಯಾಗಿತ್ತು ಎಂದು ಹೇಳಿದ್ದಾರೆ. (ಮಿತ್ರರೇ ಕರ್ನಾಟಕದ ಪ್ರತಿಷ್ಠಿತ ನ್ಯೂಸ್ ಚಾನಲ್ Powerfullkarunadu.tech ವಾಹಿನಿಗೆ ಬೆಂಬಲಿಸಿ)
ದಿನ ನಿತ್ಯದ ತಾಜಾ ಸುದ್ದಿಗಾಗಿ ಪವರ್ ಫುಲ್ ಕರುನಾಡು ವಾಹಿನಿಯನ್ನು ಲೈಕ್ ಮಾಡಿ ಶೇರ್ ಮಾಡಿ.
